Rotary Club of Yangon (RCY) ၏ ပံ့ပိုးကူညီမှုဖြင့် Center for Vocational Training (CVT) မှ ဖွင့်လှစ်သည့် Electrical Installation Course (NSSA Level 2) သင်တန်းကို ၂၀၂၆ ခုနှစ် ဧပြီလ ၂၇ ရက်နေ့မှ မေလ ၁၄ ရက်နေ့အထိ CVT Training Center (အမှတ် ၁၅၁၊ Tech Park၊ လှိုင်မြို့နယ်) တွင် သင်တန်းသား ၁၆ ဦးဖြင့် အောင်မြင်စွာ ဖွင့်လှစ်သင်ကြားခဲ့ပါသည်။ အဆိုပါ သင်တန်းဆင်းပွဲကို ၂၀၂၆ ခုနှစ် မေလ ၁၅ ရက်နေ့ နံနက် ၉ နာရီမှ ၁၁ နာရီအထိ CVT -Tech Park ရှိ ခန်းမ တွင် ကျင်းပပြုလုပ် ခဲ့ပါသည်။

အခမ်းအနားကို CVT ၏ အမှုဆောင်အရာရှိချုပ် ဒေါ်ခင်မြတ်စန္ဒာမှ အဖွင့်နှုတ်ခွန်းဆက်စကား ပြောကြား၍ စတင်ခဲ့ပြီး၊ RCY ဥက္ကဋ္ဌ ဒေါ်လင်းလင်းတင်ထွန်းမှ ဂုဏ်ပြုအမှာစကား ပြောကြားခဲ့ပါသည်။

ထို့နောက် RCY၊ CVT နှင့် ဆရာများမှ သင်တန်းသားများအား သင်တန်းဆင်းလက်မှတ်များ ပေးအပ် ချီးမြှင့် ခဲ့ကြပါသည်။ သင်တန်းသားများကိုယ်စား ကိုအောင်သက်ပိုင်မှ ကျေးဇူးတင်စကား ပြောကြားခဲ့ပါသည်။

အလုပ်အကိုင်ချိတ်ဆက်မှုအစီအစဉ်အဖြစ် Concordia International Company Ltd မှ ဒေါက်တာဝတ်ရည်ထွန်းနှင့် RMA Myanmar မှ General Manager ဒေါ်ဇာခြည်တင်လှတို့ တက်ရောက်၍ ကုမ္ပဏီမိတ်ဆက်များ ပြုလုပ်ပေးခဲ့ပါသည်။

အခမ်းအနားအပြီးတွင် အမှတ်တရစုပေါင်းဓာတ်ပုံ ရိုက်ကူးခြင်းနှင့် တက်ရောက်သူများအား အစားအသောက်ဖြင့် ဧည့်ခံကျွေးမွေးခဲ့ပြီး အခမ်းအနားကို အောင်မြင်စွာ ပြီးဆုံးခဲ့ပါသည်။